CompaContos

A Coruña, 20 de maio de 2021 

Estimados/as familiares: 

Diríxome a vostedes para contarlles como profesora do grupo de ESO do colexio Compañía de María (A Coruña), en que consiste o proxecto CompaContos que con tanto agarimo crearon e están a desenvolver en colaboración coa aula do hospital Teresa Herrera (A Coruña). 

O seu obxectivo en todo momento foi conseguir un sorriso dos/as nenos/as da planta de Oncopediatría polo que argallaron con ilusión o seguinte plan: 

1. Os familiares e os/as nenos/as deberán cubrir un test que ten forma de postal na que por un lado ten preguntas como gustos, número de irmáns, o superheroe favorito...e polo outro, un fermoso debuxo para pintar.

2. Cos datos recollidos no test anterior, o grupo de CompaContos escribirá un conto personalizado para cada un dos/as meniños/as hospitalizados/as.  

3. Por último, enviaranlles os contos como agasallo.  

Este minucioso plan agocha a crenza real dos meus alumnos/as de que con este conto conseguirán curar dalgunha forma aos/as meniños/as do hospital.   

Axúdasme a que sigan crendo que o cariño, a ilusión e a palabra son quen de sacar un sorriso curativo? 

Fdo. Sabela Moralejo Naveira.