CompaContos

Xa hai tres cursos que a nosa profe, cando tocaba estudar o texto cotiá (cartas, postais, correos...), nos propuxo crear algo con dúas condicións:
1.- Utilizar algún tipo de texto cotiá.2.-Transformar algo da nosa sociedade.
O resultado é este proxecto que estamos a compartir con vós.
Compacontos!
Podedes ver o proxecto que lles ensinamos ao equipo directivo do noso colexio, Compañía de María, para poder realizar un proxecto deste tipo. Unha vez que a nosa directora nos permitiu seguir adiante, enviámosllo ao departamento de humanización do hospital Sta. Teresa Herrera (A Coruña). Tras un tempo de espera, obtivemos a resposta.
Compacontos era posible!
Grazas á marabillosa colaboración de Laura, a profesora da ciberaula do hospital puidemos empezar a nosa aventura.